புத்தகக்காட்சியில் கண்டெடுத்த இன்காக்கள்!

கடந்த நான்கு வருடங்களாக தனிமையில் புத்தகக் காட்சிக்கு  செல்லும் எனக்கு , இந்த ஆண்டு நண்பர்கள் கிடைத்தார்கள் .புதிய நண்பர்கள், பழைய நட்புகளையும் புத்தகக்காட்சியில் புதுப்பித்துக் கொள்ள முடிந்தது மகிழ்சியைக் கொடுத்தது. இந்த ஆண்டு புனைவுகள் சார்ந்த புத்தகங்கள் என்னை அதிகம் கவரவில்லை. என் மன விருப்பம் சார்ந்து அபுனைவு புத்தகங்களையே வாங்கினேன்.

1.°இந்திய ஆர்க்கிட்டுகள்°
ஆர்க்கிட்டுகள் (தமிழில் = வாடா மலர்) குறித்து முனைவர்.ஏ,எஸ்.ராகவன் எழுதி ,டாக்டர்.கா.ஞா.சண்முகவேலு மொழிபெயர்த்தது

2. °நமது சுற்றுச்சூழல்°
லாயிக் பதே அலி  எழுதி எஸ்.விநாயகம் மொழிபெயர்த்தது

3. °இந்தியப் பாம்புகள்°
டாக்டர்.ரோமுலஸ் விட்டேகர் , தமிழில் = டாக்டர்.ஓ.எஸ்.ஹென்றி பிரான்சிஸ்

இவை மூன்றும் ° நேஷனல் புக் டிரஸ்டி°ன்  வெளியீடுகள்.

4. °மச்சு பிச்சு°
தென் அமெரிக்காவின் பெரு நாடடில் கோலோச்சி இருந்த நாகரிகமான °இன்கா°க்களின் கட்டிய எழுப்பிய °மச்சு பிச்சு ° குறித்த சுருக்கமான அறிமுகத்தை தரும் வகையில் சே குவேரா, பாப்லோ நெருதா போன்ற ஆளுமைகள் எழுதிய கட்டுரைகளின் மொழிபெயர்ப்பு இச்சிறு நூல்.

மற்ற மூன்று நூல்களைவிட என்னை உடனே படிக்கத்தூண்டி வசீகரித்தது °மச்சு பிச்சு°.  எட்டு வருடக் காத்திருப்பு அதன் பின்னணியில் இருக்கிறது  என்பதுதான் காரணம். பள்ளி இறுதி ஆண்டு படித்துக்கொண்டிருந்தபோது  °இன்காக்கள்° குறித்த ஆவணப்படம் ஒன்றை நேஷனல் ஜியோகிராபிக் சேனலில் கண்டேன். அறைகுறையாக மட்டுமே அப்போது என்னால் புரிந்துகொள்ள முடிந்தது. எனக்கிருந்த தகவல் தொடர்புகள் அக்காலக்கட்டங்களில் மிகவும் குறைவு. இன்னுமங சொல்லப்போனால் இல்லவே இல்லை என்றும் சொல்லலாம். இன்காக்கள் குறித்து முழுமையாக அறிய ஆழ்மன விருப்பமாக அதை மாற்றிக்கொண்டதுதான் அப்போதைக்கு என்னால் செய்ய முடிந்தது.
உலக அதிசயங்களின் பட்டியலில் °மச்சு பிச்சு° பெயர் அடி பட்டபோதும் இன்கா நிர்மாணித்த நகரம் இது என்பது என் கவனத்தில் வரவில்லை. எப்படியோ இன்காக்களை புத்தகக்காட்சியில் கண்டெடுத்து விட்டேன்!
இன்காககள் குறித்து தனியே ஒரு பதிவிட இருக்கிறேன்.

°மச்சு பிச்சு° விடியல் பதிப்பக வெளியீடு
தொடர்புக்கு
விடியல் பதிப்பகம்
11, பெரியார் நகர்
மசக்காளி பாளையம் (வடக்கு)
கோவை =641015
0422=2576772

புத்தகக் காட்சியில் வாங்கிய மற்ற புத்தகங்கள் குறித்து இன்னொரு பதிவுல் எழுதுகிறேன்.

Advertisements