புதிய தலைமுறையின் நோக்கம் என்ன?

கோகுல்ராஜ் கொலைவழக்கில் முக்கிய குற்றவாளியாக குற்றம்சாட்டப்பட்டு தேடப்படும் யுவராஜாவின் பிரத்யேக பேட்டியை ஞாயிற்றுக்கிழமை காலை முதல் ஒளிபரப்பி வருகிறது புதிய தலைமுறைத் தொலைக்காட்சி. மாலை ஐந்து மணிக்கு ஒளிபரப்பான செய்தித் தொகுப்பில் கோகுல்ராஜ் தற்கொலைதான் செய்துகொண்டார், அது கொலையே அல்ல என்று யுவராஜ் சொல்வதாக பின்னணியில் செய்தியாளர் பேசி, கோகுல்ராஜ் கொலையாகிக் கிடந்த பின்னணிக் காட்சிகள் காட்டப்பட்டன.

யுவராஜை ஹீரோவாக முன்நிறுத்துவது ஏன் என்றும் குற்றவாளியின் வாக்குறுதிகளுக்கெல்லாம் முக்கியத்துவம் கொடுத்து செய்தி ஒளிபரப்பும் நோக்கம் ஏன் என்றும்  கட்டுரையில் கேள்வி எழுப்பியிருந்தேன்.  என்னைப் போல பலரும் புதிய தலைமுறையின் போக்குக்குக் கண்டனம் தெரிவித்திருந்த நிலையில் திங்கள் இரவு 9 மணிக்கு நேர்படப் பேசு நிகழ்ச்சியில் கொலைக் குற்றம் சாட்டப்பட்டவரின் பேட்டியை ஒளிபரப்புவது சரியா என விவாதம் நடத்தினார்கள்.  இது வரவேற்கக் கூடிய ஒன்றுதான். ஆனால் யுவராஜ் சொல்லாத கோகுல்ராஜ் கொலையை தற்கொலை என்று திரித்து செய்தி வெளியிட்டது குறித்து பேசவேயில்லை.

 

Advertisements

One thought on “புதிய தலைமுறையின் நோக்கம் என்ன?

பின்னூட்டங்கள் மூடப்பட்டுள்ளது.