’மோடியை நீக்குவோம்’ மணி சங்கர் அய்யரின் பாக். தொலைக்காட்சி பேட்டியால் சர்ச்சை

The Union Minister for Panchayati Raj and Development of North Eastern Region, Shri Mani Shankar Aiyar addressing the Valedictory Session of the 2-day Seminar on the findings of the Nationwide Survey on Elected Women Representatives in Village Panchayats, in New Delhi on March 3, 2009.

பாகிஸ்தானின் துனியா டிவி என்கிற தொலைக்காட்சி விவாதத்தில் பங்கேற்ற முன்னாள் மத்திய அமைச்சரும் காங்கிரஸ் கட்சியின் மூத்தத் தலைவருமான மணி சங்கர் அய்யர், “இந்தியாவின் பிரதமராக உள்ள மோடியை அகற்றினால்தான் பாகிஸ்தானுடன் இந்தியா அமைதிப் பேச்சு வார்த்தைகளில் பங்கேற்பதற்கான சூழ்நிலை அமையும்” என்று தெரிவித்தார்.

அதற்கு, நிகழ்ச்சி தொகுப்பாளர், “நீங்கள் நினைத்தால் மோடியை நீக்கலாமே” என்று கேட்டார். பதிலளித்த மணி சங்கர் அய்யர், “ஆமாம், நாங்கள் அவரை நீக்குவோம். அதற்கான காலம் வரும்வரை பொறுத்திருக்க வேண்டும்” என்றார்.

mani tweet

இதற்கு பாஜக கடும் கண்டனத்தைத் தெரிவித்திருக்கிறது. ‘இந்தியாவுக்கு எதிரான’ கருத்தாக உள்ளதாகவும் மணி சங்கர் அய்யர் மீது காங்கிரஸ் நடவடிக்கை எடுக்க வேண்டும் என்றும் தெரிவித்துள்ளது.

ஆனால், ‘மணி சங்கரின் பேச்சில் ஆட்சேபத்துக்குரிய கருத்துகள் எதுவும் இல்லை. மணி சங்கர் சோனியாவுக்கு எழுதியுள்ள கடிதத்தில் இதுகுறித்து விளக்கியிருக்கிறார்’ என்று பாஜகவின் கண்டனத்துக்கு விளக்கம் அளித்திருக்கிறார் காங்கிரஸ் செய்தித் தொடர்பாளர் ரந்தீப் சிங் சுரஜ்வாலா.

முன்னதாக, பாரீஸ் தாக்குதல் குறித்து கருத்து தெரிவித்திருந்த மணி சங்கர் அய்யர், “இஸ்லாமுக்கு எதிரான ஃபோயியா(பயம்)வுக்கு முற்றுப்புள்ளி வைக்க வேண்டும். ஃபிரான்ஸில் வாழும் முஸ்லீம்கள் அனைத்து உரிமைகளுடனும் பாதுகாப்புடன் வாழ ஃபிரான்ஸ் அரசு உறுதியளிக்க வேண்டும்.” என்று தெரிவித்திருந்தார்.

ஐஎஸ்ஐஎஸ் அமைப்புக்கு பிரச்சாரம் செய்வதாக இருப்பதாக மணி சங்கருக்கு எதிராக கண்டனங்கள் எழுந்தன.

 

Advertisements

ராகுல்காந்தி பிரிட்டன் குடிமகன்: சுப்ரமணிய சுவாமி கிளப்பும் ’அரசியல் பீதி’

 

சுப்ரமணிய சுவாமி புதிதாக கிளப்பியருக்கும் ‘அரசியல் பீதி’(அவரே சொன்ன வார்த்தை) ராகுல்காந்தி ஒரு பிரிட்டன் குடிமகன் என்பது. காங்கிரஸ் குடும்பத்துடன் அரசியலைத் தாண்டியும் தீராப் பகையுடன் உள்ள சுப்ரமணியம் சுவாமி அவ்வப்போது சோனியா காந்தி பற்றியும் அவருடைய குடும்பத்தைப் பற்றியும் எதையாவது ‘ஆவணங்களின்’ ஆதாரத்துடன் வெளியிட்டுக் கொண்டிருப்பார்.

CT7HvmOUYAAXaju

CT7HwntUcAEy_ey

CT7HxnqUEAAjew0

CT7HyqEUEAAHuuM

அந்த வகையில் ‘பிரிட்டனில் உள்ள ஒரு நிறுவனத்தின் இயக்குநராக உள்ள ராகுல்காந்தி, கம்பெனி ஆவணங்களில் தன்னை பிரிட்டன் குடிமகனாக சொல்லியிருக்கிறார். இந்திய குடியுரிமை சட்டத்தின் படி ஒருவர் இரட்டைக் குடியுரிமையுடன் இருக்க முடியாது. எனவே அவருடைய இந்தியக் குடியுரிமையை ரத்து செய்ய வேண்டும்’ என்று பத்திரிகையாளர் சந்திப்பில் பேசியிருக்கிறார். இதுகுறித்து பிரதமருக்கு அவர் கடிதம் எழுதியிருக்கிறார்.

s swamy

வெளிநாடு வாழ் இந்தியர்களுக்கு இரட்டை குடியுரிமை வழங்க வேண்டும் என்று முனைப்புடன் உள்ள மத்திய அரசு, இதை எப்படி எதிர்கொள்ளப் போகிறது?

’மோடியின் ஆட்சி விரைவில் முடியப்போகிறது’

மாட்டிறைச்சி விவகாரம், எழுத்தாளர் படுகொலைகள் குறித்து சிறுபான்மையினரை அச்சப்படுத்தும் வகையில் பாஜக-அதனுடன் தொடர்புடைய இந்துத்துவ அமைப்பினரின் சர்ச்சைக்குரிய நடவடிக்கைகளை பிரதமர் மோடி கட்டுக்குள் கொண்டு வர வேண்டும் என சர்வதேச பொருளாதார மதிப்பீட்டு நிறுவனமான மூடிஸ் கடந்த வாரம் எச்சரித்தது. இந்த அசாதாரண சூழல் நீடித்தால் தனது மதிப்பை உள்நாட்டு அளவிலும் உலக அளவிலும் இந்தியா இழக்க நேரிடும் என்றும் அது கூறியது.

இந்நிலையில் பொருளாதார நிபுணரும், முன்னாள் மத்திய அமைச்சருமான அருண்ஷோரி, தனியார் தொலைக்காட்சி ஒன்றிற்கு அளித்த பேட்டியில், “தாத்ரி படுகொலை, ஹரியானாவில் தலித் குழந்தைகள் எரிக்கப்பட்ட சம்பவம் குறித்து பிரதமர் மோடி வேண்டுமென்றே மவுனம் காத்து வருகிறார். அவரது சகாக்கள் சர்சைக்குரிய வகையில் பேசுவதை தொடர்ந்துகொண்டே இருக்கின்றனர். மோடி இந்தியாவை அடிப்படைவாதச் சாக்கடைக்குள் தள்ளுகிறார்” என தனது கருத்தினை பதிவுசெய்தார்.

ஆனால், நாட்டில் நடந்துவரும் அசாதாரண சம்பவங்கள் குறித்து கருத்தோ, விளக்கமோ தெரிவிக்காத பிரதமர் மோடி,“சகிப்புதன்மை பற்றி பேசும் காங்கிரஸ்காரர்களுக்கு 1984–ம் ஆண்டு நவம்பர் 2–ந் தேதி நினைவு இருக்கிறதா? டெல்லியில் என்ன நடந்தது? சீக்கியர்கள் படுகொலை செய்யப்பட்டார்கள். சீக்கியர்கள் படுகொலை நடந்த இந்த நினைவு நாளில் சகிப்புத்தன்மை பற்றி பேச காங்கிரசுக்கு எந்த தகுதியும் இல்லை’ என்று திங்கள்கிழமை பேசியிருக்கிறார்.

இந்நிலையில் குடியரசுத் தலைவர் பிரணாப் முகர்ஜியை சந்தித்துப் பேசினார் காங்கிரஸ் தலைவர் சோனியா காந்தி. இந்த சந்திப்புக்குப் பின் மாட்டிறைச்சி விவகாரம், எழுத்தாளர்கள் மீதான தாக்குதல் உள்ளிட்ட பிரச்னைகளை முன்னிறுத்தி காங்கிரஸ் கட்சி டெல்லியில் செவ்வாய்கிழமை பேரணி நடத்தும் என்று அறிவிக்கப்பட்டது.

பேரணியைத் தொடர்ந்து குடியரசுத் தலைவர் பிரணாப் முகர்ஜியை சந்தித்து வகுப்புவாத பிரச்னை, எழுத்தாளர்கள் மீதான தாக்குதல் உள்ளிட்ட சகிப்புத் தன்மைக்கு எதிரான நிகழ்வுகள் குறித்து முறையிட காங்கிரஸ் கட்சியினர் திட்டமிட்டுள்ளனர்.

பிரதமர் மோடி பேசாத நிலையில் குடியரசுத் தலைவர் நான்கைந்து முறை இந்தியாவின் பன்முக கலாச்சாரம் குறித்து பேசியிருக்கிறார் என்பது குறிப்பிடத்தக்கது. இந்தச் சூழலில் பீகார் மாநிலத்தில் நடைபெற்ற தேர்தல் பிரச்சாரக் கூட்டத்தில் ராகுல் காந்தி பேசியிருப்பது முக்கியத்துவம் பெற்றிருக்கிறது.

“மத்தியில் ஆளும் பாஜக தலைமையிலான தேசிய ஜனநாயகக் கூட்டணி அரசின் பதவிக்காலம் விரைவில் முடிவுக்கு வந்துவிடும்; பிரதமர் நரேந்திர மோடியின் நடவடிக்கைகளே, மத்தியில் காங்கிரஸ் கட்சியை விரைவில் ஆட்சிக்கு வரச் செய்யும்” என்று காங்கிரஸ் கட்சியின் துணைத் தலைவர் ராகுல் காந்தி பேசியிருப்பது பரபரப்பை ஏற்படுத்தியிருக்கிறது.

“தலித் குழந்தைகள் கொலை செய்யப்பட்டதை நாய் மீது கல்லெறிதல் சம்பவத்துடன் ஒப்பிட்டு மத்திய அமைச்சர் பேசியிருக்கிறார். அந்தக் குழந்தைகள் ஒன்றும், நாய்கள் கிடையாது. அவர்கள், நம் நாட்டின் குடிமக்கள். நமது நாட்டின் எதிர்காலம். பாஜக, ஆர் எஸ் எஸ் அமைப்புகளின் எண்ணமே மக்களை பிரித்து ஆள்வதுதான்” என்று கடுமையாக சாடியிருக்கிறார்.

பாஜகவின் மூத்தத் தலைவர் எல்.கே. அத்வானி மூன்று மாதங்களுக்கு முன் எமர்ஜென்ஸி போன்ற சூழல் நிலவுவதாக சொன்னது, தீர்க்க தரிசனம் மிக்க வார்த்தைகள் என்பதை தற்போதைய சூழலை நோக்கும்போது தெரிகிறது. மோடியை ஆதரித்த நாராயணமூர்த்தி போன்ற தொழிலதிபர்கள், ரகுராம் ராஜன் போன்ற பொருளாதார நிபுணர்கள், உலக அமைப்புகள் ஒருபுறம் இருந்தாலும் மோடிக்கு முன்னோடியாக இருந்து ரத யாத்திரை நடத்தி புகழ்பெற்ற அத்வானியின் வார்த்தைகளை புறம்தள்ளிவிட முடியாது. கடந்த மூன்று மாத சம்பவங்களும் அதையே சொல்லவருகின்றன. ராகுலின் பேச்சும் அதையே உணர்த்துகிறது!